بقايا سجال


اذيكم يا احلى اصحاب ليا





محدش يسألنى عاملة ايه لأنى افكارى ملخبطة وفى احلام كتير اتكسرت فوق دماغى





بس عامة بشكركم على متابعتكم ليا وسؤالكم عليا وياريت تقدروا حالتى النفسية



المهم



انا كنت فى مسابقة سجال فى الشعر ونجحت فى المرحلة الاولى



هكتبلكم هنا أجزاء من اللى كنت كتابها فى السجال



بس هى بلا عناوين لأنها ردا على قصائد أخرى



عنوان السجال كان ... (( اللقاء بعد الغياب ))



انا استمتعت جدا فى السجال ده و اتمنى ان كلماتى تعجبكم





دى كانت قصيدة النهاية بتاعتى :







حبيبــــــــــــى

مرايــــــــا مقعرة

فى عيونك

تحدق فى

وتنسج حولى و حولك

ذكريـــــــــــــات




فتقدم

خطوة بخطوة

للأمام

و قلل فيما بيننا

المسافات



فبطائن الحب

بينى وبينك

مقيدة و مغللة

بأوجاع ٍو أتراح ٍ

و آهات



و أسلاك ٍ شائكة

تفصل كلانا

عننــــــــــــا

ما بين حظر تجول ٍ لقلوبنا

وتمرد ٍ

وإعتقالات



إنها فلسفة البعد

فلسفة الحب فى صمت

فلسفة ذكرانا التى

تمتد إلى أقصى المدى

تحتل فيه الشمس

والمــــــــدارات



شوية فضفضة


إزيكم كلكم


وحشتونى


انا وعدتكم ببونبوناية للى يحل الفزورة


بس محدش حلها


المكان ده عندنا فى حلوان


والشجر ده قدام بيتى بالظبط اول ما افتح البلكونة بلقيه قدامى


افتكر ان حلوان اكتر مكان فيه شجر ونخل عشان فيها مصانع كتيييييييير



سيبونا بقي من الفزورة


عشان عايزة اتكلم معاكوا


حسيت انى عايزة افضفض


الفترة القصيرة اللى فاتت مرت عليا فيها مواقف كتير


مخلية حالتى النفسي مش متظبطة


يوم الاقى نفسي حزينة لأبعد حد


و يوم الاقينى بقاوم واحس بحالة من الفرح والسعاده من غير اى سبب غير انى عايزة ابقى سعيدة حالا وخلاص


جايز لأنى مريت بكذا موقف صعب فى فترة قصيرة


بس انا مش من عادتى الاستسلام للحزن


لما بكون فى وسط ناس حتى اسرتى الصغيرة محدش فيهم بيحس حتى انى متضايقة


لأنى متعودة على الضحك والشقاوة والمقالب والهزار


وحتى وانا متضايقة بفضل بنفس اسلوبى ده عشان محدش يحس ولا حد يسألنى فيه ايه


بس بجد حسيت مرة واحدة انى اصبحت لوحدى بكل ما تعنيه كلمة وحدة من معنى


مفيش اصحاب


مفيش حد يعرف عنى اى حاجة غير أنا


كل اللى حواليا معارف مجرد معارف


حتى فى البيت انا وماما اصحاب اووووووووى بس مش بحب احكيلها انى متضايقة

لأنها بتخاف عليا زيادة عن اللزوم وكمان مبحبش اضايقها خصوصا انى عارفة ارتباطها بيا


فبالتدريج حسيت انى مفيش حد اتكلم معاه


حسيت انى لازم ارسم ضحكة على وشى حتى لو مش من جوة قلبى
لمجرد ان محدش يشعر انى متضايقة او حزينة


عارفة انى زهقتكم


بس كفاية عليكم كده انتوا مش ناقصين,,

خمسة فرفشة



إيه رأيكم فى الصورة دى ...؟


الصورة دى صورتها بعدستى من مكان بحبه وقت الغروب


المكان ده كان فيه تلت نخلات مش اتنين بس زى اللى انتوا شايفينهم


بس نخلة منهم عجزت وشاخت و وقعت ماتت


وزعلت اوى عليها


لأن النخلات التلاتة مع بعض كانوا عاملين منظر حلو اوى


بس على الرغم من موت واحدة منهم


إلا إن المكان حلو زى ما هو


يا ترى حد منكم يقدر يخمن المكان ده فين ...؟


فى إنتظار تليفوناتكم وإيميلاتكم على الارقام الموضحة بالاسفل :D































كفاية كده بقي....


آل أرقام آل


اللى هيحل الفزورة دى هديله بنبوناية :D


وإنتوا وشطارتكوا بقي