حفلة تتويـــــــج





أولا : هنونى كتييييييييييييييييييييير


انا خدت افراج


وخلصت القهر الابدى اللى بيتسمى امتحانات:D


وبما انى كان جايلى تاج قبل الامتحانات


وتاج دلوقتى


فعملت حفلة تتويج


زى حفلة تتويج الملكة إليزابيث


أول تاج جالى من حبيبتى عاشقة الاحزان وأخويا الصغير مصعب


فهجاوب عليه الاول


والتانى كان جايلى من مصعب صلاح قبل الامتحانات


مستعدين



1


2


gooooooooooooooo




أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟

بصراحة انا اللى افهمه ان فيه احلام للمستقبل


انما الماضى بقي ده منسيبه فى حاله :D


بس انا كان نفسى ابقى حاجات كتير وانا صغيرة


بس ربنا ستر وطلعت مؤرخة أد الدنيا


مفتكرش انى حلمت مرة اغير ماضيا لأنى حباه كده




أذكر خمس أحلام على الأقل ..تخص مستقبلك ؟؟؟



أولا : ـ



نفسي ابقى كاتبة وشاعرة وكم حاجة فى بعض كده



ثانيا :ـ



نفسي بقي زى كل البنات الاقى فارس ابيض على حصان اسود يخطفنى من بلكونتنا الكروهات



ثالثا : ـ



يبقى عندى بنت جميلة زيى كده :D



رابعا : ـ



اسعد كل اللى حواليا ماما وبابا واختى



خامسا : ـ



لما اقابل ربنا يكون راضى عنى



ملحوظة : ـ اهمية الاحلام مش بترتيبها :D




أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ?


اهل التدوين اللى بحبهم و بحس انهم عيلة بجد حلوة اوى


و أكيد لما اقابل أصدقاء كويسين بتمنى كنت اعرفهم من زمان




أذكر شخصين على الأقل غير متواجدين فى حياتك حاليا كنت تود وجودهم الان



او فى حياة اولادك مستقبلا .. ؟



مش فاهمة السؤال اووووووووى


بس افتكر ان لو فى اتنين معرفهمش اكيد مش هعرف اتمنى يبقوا معايا ولا لأ



بس انا شوفت اجابات لناس بيتمنوا الرسول يبقى معاهم



يــــــــاريت



بس افتكر ان ده قدر ربنا عايزه عشان كده مينفعش نعترض عليه






تحدث عن ستة أسرار قد لا يكتشفها من يقابلك للمرة الأولى ؟



أفتكر انى كتاب مفتوح للى عايز يقرانى


فلو حد قابلنى للمرة الاولى وعايز يعرفنى كويس هيكتشف اسرارى الستة بدون ما اقولهم




تهدى التاج لمين ؟؟



اى حد هيدخل هنا ياخدوا



ايوة ما انا ماحلوش لوحدى



هنيئاً لكم جميعا ً



(( ضحكة شريرة )) :D



التاج التانى




من أنت ؟وما الذي تفعله هنا ؟



انا مش عارفنى


انا توهت منى :D



بس بما انى مبحبش عبد الباسط



انا هنا بكتب يعنى هكون بعمل ايه




إسرائيل تقصف كل جنوب ممكن بحثا عنك ، أي شمال ستقصد ؟



بما معقول يكون فى ضيوف كرما


ولاد كرم كده جايلنى واسيبهم



اكيد هعزمهم على الغدا قبل ما امشى




أنت مكلف بحذف حرف من حروف اللغة العربية .. أيها ستختار ولماذا



طيب لما انا احذف حرف من حروف اللغة العربية



هكتب ازاى بقى ...؟




لو قدر لك أن تدخل السجن فما هي القضية التي تتمنى أن تدخل بها إليه؟



قتل مع سبق الاصرار والترصد


محدش يسأل عن المجنى عليه




بالمناسبة.. منذ متى اكتشفت نفسك؟



مين بس قال انى إكتشفتها


انتوا هتقولونى كلام مقولتوش :D




على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك ؟



اولا انا من النوع المغامر


يعنى هروح اشوف ايه اللى لم يحلم بيه البشر وبعدين اروح لحلمى وابقى ضربت الطريقين بحجر واحد




نحن لا نعيش حياتنا بل نتعلم فيها كيف نعيش» ما تعليقك؟



لأ فى ناس بيسيبوا الحياة هى اللى تعيشهم


وناس بيعرفوا ازاى يعيشوها




بجملة واحدة فقط أكتب تعريفاً لكل كلمة من الكلمات التالية:-



الوطن



مصر




الأم



حنان امى




الليل



حبيب قلبى




الحب



الحياة




أمريكا



مجرد بلد




المرأة



كائن يعيش ويتعايش زى الرجل


كائن قوته فى ضعفه




الصمت



أبلغ من الكلام




الإنترنت



وجهين لعملة واحدة




المسنجر



وسيلة اتصال




أختر منصباً واتخذ قرارا.



المنصب (( رئيسة الولايات المتحدة ))


والقرار (( هخطب فى العالم كله بقي من جامعة القاهرة ))




قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟



نازك الملائكة


سعاد الصباح


نهاد زكى


هم الذين يقولون الشعر والرجال صموت


لماذا هذا التغيب لدور الرجل ((وش بيغمز))




أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل



مش شرط تكون مطلوب لأرتكاب جريمة


الاهم انك تكون مطلوب عن حب عشان تحس بوجودك




إلى أين تمضي كلمات الحب .. بعد أن نقولها؟



إلى سلة المهملات





هل تجد علاقة بشكل أو بآخر بين المرأة وقطاع الطرق ؟



هى نفس العلاقة بين الرجل ورجال المافيا الايطالية




هذا فراق بيني وبينك .. متى ولمن تقولها ؟



لمن يبادر بقولها




كيف هو غداً ؟



بنا من الممكن ان يكون افضل من اليوم



سلاااااااااااااااااااااااااااااام










25 التعليقات:



صوت من مصر يقول...

بجد اجاباتك تعبر عن مدى حبك لكونك انثى وكونك مثقفه
بجد اجاباتك هايله وعرفتنى على عبد الباسط اقصد انتى

صوت من مصر يقول...

انا كنت اول تعليق يا بختى يا امى

مصعب صلاح يقول...

السلام عليكم

صباح الفل يا نهود مع اننا بالليل بس برضه صباح الفل

ممكن اعلق ، ايه التهييس ده أمال أنا باعمل ايه ؟

المهم

أولا :- 1993 مبروك على خروجك من الجحيم وعقبال النتيجة

ثانيا :- نبص ع التاج بتاعي

أحلامك بسيطة وعفوية ودا جميل

طبعا لما قلت أهل التدوين كنت أنا المقصود ، دا أكيد

ثالثا :- التاج التاني

على فكرة عدم بوح المرأة بمشاعرها أفضل بكتير

لأنه دايما بيخليها على كرسي بعيد وبيرفع من قيمتها

اللهم الا إن كان لجوزها فلازم تصرح بمشاعرها

ربنا معاكي يا أختي وما تقطعيش الجوابات

سلام

ادم المصرى يقول...

الله الله على التتويج الجميل ده

اجباتك فوق الممتاز بجد

ايوشة يقول...

اولا مبروك على انتهاء الامتحانات بالتوفيق ان شاء الله
وتاجين مرة واحدة انت بطلة ولازم نعملك تمثال هههههه
ربنا يحققك كل امالك اللهم امين اللى بتتمنياها اللى مش صعبة ابدا انها تتحقق اجاباتك جميلة بجد
مرسيى لزيارتك المدونة ياقمر

الشاعر الحزين يقول...

ايه بس الحلاوه دى ؟؟

أنا بصراحه مشفتش بساطه أبسط من كده

بس ده ملوش علاقه بتامر حسنى على فكره بسيطه متستبسطهاش

ايه اللى أنا بقوله ده ؟؟؟؟

لا بجد حسيت فى اجاباتك بالبساطه الجميله والدم الخفيف

بجد اجابات هايله وعجبتنى جدا

تحياتى

yoyo يقول...

صباحك سكر

الف مبروك على انتهاء الامتحانات وان شاء الله ابارك لكى على النتيجة

تاجين مرة واحدة يا قلبك الجامد
ههههههههههههه

عجبتنى اوى اجابتك و اسلوب البسيط و الجميل فى النفس الوقت فى الكتابة
بسم الله مشاء الله روحك كتير جميلة

ربنا يسعدك يارب و يسعد قلبك وتقدرى تحققى كل احلامك

انا سعيدة جدا بزيارتك اللى من خلالها اتعرفت عليك وان شاء الله يكون بينا تواصل

تقبلى مرورى
تحياتى
يويو

aidy يقول...

صوت من مصر

***********

إزيك يا محمد

على الله تكون خلصت امتحانات انت كمان

شكرا على الكلمات الحلوة دى

وبقالك كم مرة يعنى بتحتل المركز الاول فى التعليقات

نفسي مرة الحق اول تعليق ده فى اى مدونة :D

تحياتى ليك

aidy يقول...

مصعب صلاح

************

وعليكم السلام

إزيك يا صاحب التاجات

مساء الفل بقي

وشكرا على تعليقاتك على التاج

تحياتى

وياريت لو جالك تاج متبعتهوشليش :D

انا زهقت من كتر الاسئلة

كفاية عليا امتحانات واحدة

aidy يقول...

ادم المصرى

*************

اهلا أدم نورت التيجان

متنساش بقي تاخدهم معاك عشان انا بعتاهم لكل اللى يجى عندى

:D

تحياتى

aidy يقول...

ايوشة

**********

الله يبارك فيكى يا قمر

شوفتى التدبيسة اللى انا فيها

عشان تعرفوا انى مضحية :D

وبجد ربنا يخليك على الدعوتين احلوين دول

ومتشكرة على رد الزيارة

ويارب يكون فيه بينا تواصل

تحياتى ,,

aidy يقول...

الشاعر الحزين

*************
اهلا بعلاء الدين

بقالك كتير مجتش هنا

شكرا يا سيدى على الكلام ده كله

وملناش دعوة بتامر حسنى :D

شكرا على الزيارة

وعلى الكلام الجميل ده

aidy يقول...

yoyo

********

هلا بالقمر

صباحك نادى ان شاء الله :D

والله يبارك فيكى يا قمر

ربنا يفك كرب اى حد بيمتحن

تاجين مرة واحدة انا اصلى بحب اخد بالجملة هههههههههههههههه

شكرا على تعليقك الجميل وكلامك الحلو ده كله

بجد انبسطت بالتعليق بتاعك جدااا

وانا سعيدة بجد بزيارتك انتى كمان

وياريت يكون فيه بينا تواصل انا اتمنى ده

تحياتى ليكى ,,

نهاد

شمس النهار يقول...

ازيك مبروك انك خلصتي الامتحانات
الاجابات لطيفه كلها
بس ماقلتيش الفرس ابيض والحصان اسود
طيب والكاروهات ايه بقا ابيض في اسود:)

Sweet Violet يقول...

تعالى هنااااااا

أفهم بقى الاجابة دى

"إلى أين تمضي كلمات الحب .. بعد أن نقولها؟

إلى سلة المهملات"

ازاى يعنى هه

لالالالالا حرام عليك بجد

يعنى هو مافيش حد خالص بيحب فى الزمن ده ولا ايه .. علشان الكلمات تروح للقلب على طول ):

ماشى ماشى

انا هعزلك من منصب رئيسة الولايات المتحدة بتاعك ده ((:

لالالا مش عايزة اسمع صوت هو كده لا راجعة فى الكلام

دورى بقى على شغل تانى علشان القرار هيطلع بسرعة البرق D:

اشكرك ياقمر على زيارتك الجميلة (:

rovy يقول...

السلام عليكم
مبروك انهائك الامتحانات و عقبال ما نبارك لك على النجاح ان شاء الله
اجابات مميزه و لكن هناك اسئله حيرتنى اجاباتك لها مثل الى اين تمضى كلمات الحب ؟؟ هل حقا تجدين مكانها سلة المهملات .. للدرجة دى فقد شبابنا الثقه بالحب .. !! اتمنى ان تجدى فى حياتك الحب الصادق و ان يرزقكى الرحمن كل السعاده غاليتى ..
دمتى بكل الخير فى حفظ الله
ارق تحياتى

aidy يقول...

شمس النهار

*************

إزيك يا شموسة انا الحمد لله كويسة

الحمد لله خلصت امتحانات على خير

اما بالنسبة للكروهات :D

فأبيض فى اسود اكيد

معندناش رمادى :D

aidy يقول...

sweet violet

**************

اهلا بالقمر

بالراحة عليا شوية بس

فين الاجابة اللى مضايقاكى دى

طب بذمتك يعنى الكلام بتاع الحب بعد ما نقوله هيروح فين

هيدخل من الودن دى ويطلع من التانية

فأنا سهلت الموضوع يعنى اكدب طيب


وبعدين عذلتينى كده حتة واحدة من رئاسة الولايات المتحدة

انا كده هعمل اتصالاتى وهقلبها نوووووووووووى


والنهاردة شكله يوم دمار شامل


ثانيا بقي انا اللى بشكرك على زيارتك ليا

و عجبنى تعليقك اووووووووووووووى

وبتمنى يكون فيه تواصل بينا

تحياتى ,,

aidy يقول...

ROVY

*******

أهلا بيكى يا قمر

الله يبارك فيكى عقبال كل اللى بيمتحنوا :d

معلش يا ستى لو حيرتك بعض اجاباتى

بس السؤال ده بالذات انا حساه كده

لأن كلمات الحب بقت حاجة بتتقال فى اى وقت ومش غرضها الحب بس

للدرجة انها فقدت معانيها الحلوة

وبقي مكانها الطبيعى سلة المهملات :d

ربنا يخليكى على الدعوتين الحلوين اللى فى الاخر

اللهم آمين يا ستى

وبجد متشكرة على الزيارة

ويارب تتكرر كتيييييييييييير

تحياتى

Abo 7anf يقول...

السلام عليكم
بجد اجاباتك جميله
انا بردوا بحب الليل جدا
واحلامك لذيذه

و مبروك انك خلصتى الامتحانات
انا بردوا كلها 3 شهور او 4 كدا
وأبدا امتحاناتى

aidy يقول...

abo 7anf

*************

وعليكم السلام ورحمة الله وبركاته

شكرا بجد على الزيارة والتعليق ده

الحمد لله خلصت امتحانات

بس انت هتبدأ امتحانات ايه بعد تلت اربع شهور ...

عاشقة الأحزان يقول...

السلام عليكم


نهاد حبيبتى وحشتينى قووى

واشكرك على مرورك الكريم وسؤالك عنى

بجد متشكره ليكى على قبولك التاج

واجابتاك هايله قووى وعجبتنى على التاجان
ربنا يحقق ليكى امانيكى يارب

اختك
ايناس

بحبك مووت

aidy يقول...

عاشقة الاحزان

******************

وعليكم السلام ورحمة الله وبركاته

اينااااااااااس حبيبة قلبى

وحشتييييييييييييييييينى

وبعدين بتشكرينى على ايه

انا بجد بحبك جدااااا

ومش عايزاكى تبعدى

وربنا يسعدك ويحقق ليكى امانيكى انتى كمان

خلى بالك من نفسك

سلاااااااااااااام

حاجات جوايا يقول...

مبروك التتويج يا قمر
عقبال الدبل والزفاف ان شاء الله
:)


.............
لو قدر لك أن تدخل السجن فما هي القضية التي تتمنى أن تدخل بها إليه؟

قتل مع سبق الاصرار والترصد
محدش يسأل عن المجنى عليه

** احم احم .. مين المجنى عليه ؟؟؟

.................
نحن لا نعيش حياتنا بل نتعلم فيها كيف نعيش» ما تعليقك؟


لأ فى ناس بيسيبوا الحياة هى اللى تعيشهم


وناس بيعرفوا ازاى يعيشوها


-------------
** ممممممم واضح انى من النوع الاولانى
بس بحاول ابقى من النوع التانى .. ربنا يقدرنى


كل تاج وانتى متوجة يا جميلة

سلام يا قمر

aidy يقول...

حاجات جوايا

***********

سالى الجميلة

وحشتينى اووووووووووووى

بس انتى ليه بتسالى عن المجنى عليه

اقريله الفاتحة بس الميتين ميجوزش عليهم الا الرحمة

ههههههههههههههههههههههه

بس تصدقى فى السؤال التانى

انا كمان بحاول ابقي من النوع التانى

بس منكرش انى بحب اعيش الحياة مش هى اللى تعيشنى