خمسة فرفشة



إيه رأيكم فى الصورة دى ...؟


الصورة دى صورتها بعدستى من مكان بحبه وقت الغروب


المكان ده كان فيه تلت نخلات مش اتنين بس زى اللى انتوا شايفينهم


بس نخلة منهم عجزت وشاخت و وقعت ماتت


وزعلت اوى عليها


لأن النخلات التلاتة مع بعض كانوا عاملين منظر حلو اوى


بس على الرغم من موت واحدة منهم


إلا إن المكان حلو زى ما هو


يا ترى حد منكم يقدر يخمن المكان ده فين ...؟


فى إنتظار تليفوناتكم وإيميلاتكم على الارقام الموضحة بالاسفل :D































كفاية كده بقي....


آل أرقام آل


اللى هيحل الفزورة دى هديله بنبوناية :D


وإنتوا وشطارتكوا بقي






30 التعليقات:



ABOALI يقول...

المكان ده ساكن فى القلب
ومعرفة عنوانه اكيد صعب
بس باين فيه الشجن
وباين كمان من بعيد
كاءنه فرشة قلم
ولما تتدقق تلاقى شموخ وهمم
وراس مرفوعه فوق
بتنادى وتقول انا هنا
شوفوا العزيمة شوفوا الرفعة
شوفوا علو القمم
دور على العنوان
لفوا عليه ف كل مكان
معاكم امارة معاكم بيان
ولما تتعب من فوق السطوح
من فوق القاهرة
تلاقى الاشجار ظاهرة
فى حالة عناق مش نشوة عابرة
تسمع صوتها واحلامها رائعة
بتقولك انا وانت
مخلوقات طاهرة
الله الله
على النظرة لما متكونش عابرة


ممكن المكان يكون
حديقة الاورمان امام جامعة القاهرة

ولالالالالالالا ايه

Hesham يقول...

اجمل الاماكن التى يعشقها الانسان هى الأماكن التى له فيها ذكريات وبالتالى لايهم موقعه الجغرافى على خريطة الأرض ولكن الأهم موقعه الحسى داخل القلب

Hesham يقول...

على فكرة ياايدى انتى بجد تملكين حس فنان مرهف

mohamed ghalia يقول...

ههههههههههههه
طيب ده نعرفه إزاى طيب
بس أكيد ده مكان رائع أدام عجبك كده

Rosie يقول...

كان نفسى أعرف المكان أبو نخلتين ده....ده مان فى قلبك بدام بتحبيه كده...

الشاعر الحزين يقول...

أنا جيت

وكمان عارف المكان ده فين

أنا الوحيد اللى عارف المكان فين

أكيد المكان ده جوه قلبك صح ؟؟

أيون ما هو بدل أنتى بتحبيه يبقى جوه قلبك

أنا عايز الهديه بقى

مش هتنازل عنها أبدا مهما يكون

صباح الفل

yoyo يقول...

صباحك سكر

مشاء الله عليكى صورك فى منتهى الجمال
عارفة المكان دا فين
هناك عند حبيبك
اللى ساكن القلب و مالك الروح
المكان اللى فيه القلب يبوح
والعين من لهفتها تروح لحبيبها
دا المكان اللى شهد اولى و اغلى حب
دا الجنة اللى مش يعرفها غير اتنين و بس

بصراحة مش عارفة المكان دا جاي يكون فين بالتحديد
بس اعتقد منظر النخيل و سحره موجود فى كل مكان
راحت عليا الهدية
تسلمى و يسلم احساسك الرقيق
تحياتى
يويو

صوت من مصر يقول...

اظن انها موجوده فى شهر يناير
اه
عشان الجو حر ومش ناقصه فوازير
ومش هحتل ومش هسكت
انا عاوز اروح فنلندا

Sweet Violet يقول...

ياسلاااااااااااااااااااااام
يعنى هى دى عايزة تفكير
اكيد اكيد المكان ده
فى كوكب الارض حيث الطبيعة الخلابة
^_^

MǿиY El-Shreef يقول...

طب انا هعرف منين طيب :D

بس مممم الله اعلم بردوا

المهم انتي وحشاااااااني اوي

ونا خلصت اكزمااااات

aidy يقول...

abo ali
*********

الله الله على كلام حضرتك

بجد كلمات حضرتك فى التعليق بتبسطنى جدااااااا

وفعلا المكان ساكن فى القلب

بس مش فى حديقة الاورمان

aidy يقول...

hesham

*********

اهلا بحضرتك

بجد منورنى

وفعلا المكان ده بيحمل اجمل ذكريات حياتى كلها

وشكرا بجد على كلام المدح ده

aidy يقول...

mohamed ghalia

****************

تعرفوا بالفهلوة كده

ماهو لو كان سهل مكنتش قولتوا فزورة

منورنى يا محمد

aidy يقول...

Rosie

**********

اهلا روزى منورانى

المكان ابو نخلتين ده هتعرفيه قريب

لما احل انا الفزورة

:D

aidy يقول...

الشاعر الحزين

**************

الشاعر الحزين علاء الدين

منورنى بجد

ههههههههههههههههه

هو المكان جوة قلبى

بس الهدية على موقعه الجغرافى

:D

بس عشان خاطرك ممكن اوزع هدايا على الاجابات الغلط

aidy يقول...

yoyo

***********

يو يو الجميلة صباحك سكر يا قمراية

تعرفى انى كنت اتمنى يكون ليا حبيب عند المكان ده

بس للأسف

انا قلبى الخالى اللى غناله عبد الحليم

هههههههههههههههههههه

بس مش هزعلك انا هجيبلك هدية :D

aidy يقول...

صوت من مصر

***************

يا سلام على تعليقاتك يا محمد

دايما تخرج عن اى قاعدة

بجد اغرب تعليقات بقراها:D

على العموم ممكن اجيبلك تذكرة طيران لفنلندا بس اشمعنى البلد دى

aidy يقول...

Sweet Violet
***************

اهلا بالقمر

يا سلام على الاجابات اللى عجبانى بجد

هو ده الكلام

بس المنظر ده كمان فى قلب مصر

وفى اقصى الجنوب كمان

ههههههههههههههه

aidy يقول...

MǿиY El-Shreef

******************

مونى وحشتيييييييييييييييينى اوووووى

انتى بالذات هجيبلك هدايا من غير ما تحلى حاجة

بجد مبروك انك خلصتى الامتحانات

هروحلك حالا اشوفك عاملة ايه

لاسع افندى يقول...

اولا الصوره جميله

ثانيا المكان ده موجود كتير فى مصر ام الدنيا وملكة جمال الكون


تحياتى

مصعب صلاح يقول...

السلام عليكم

يظل المكان جميلا لأنك رأيته بعينيك

المكان في مصر

مش كدا

تقبلي مروري

smilyrose يقول...

هايدى

ليه الفوازيردى

فكرتينى باغنية محمد عبده

الاماكن كلها مشتاقة لك

والكلام اللى فعيونى هولك

الاماكن

الاماكن

ما اجمل مكان يحمل فى طياته

نبض قلبى الضعيف

دمتى حبيبتى

ممكن شكولاته بدل البونبونى

هههههههههههههههه

وردشان

روح الحب الصادق

صدفة جميلة يقول...

السلام عليكم
ياترى لو قلت المكان دا فين هاتوفى بوعدك
لو عاوزه تعرفى المكان دا فين زورينى هاتعرفى هو فين على فكره للمكان دا عندى صور كتير جدااااااااا
بس على ما اعتقد المكان دا بيه اكتر من شجره واكيد انتى شفتينى هناك وان بصور بس للاسف متعرفتش عليكى الا الان بصراحه حاجه غريبه ياترى المكان الفى خيالى صح ولا دا مكان تانى
سلام ومستنى زيارتك

صدفة جميلة يقول...

السلام عليكم
ياترى لو قلت المكان دا فين هاتوفى بوعدك
لو عاوزه تعرفى المكان دا فين زورينى هاتعرفى هو فين على فكره للمكان دا عندى صور كتير جدااااااااا
بس على ما اعتقد المكان دا بيه اكتر من شجره واكيد انتى شفتينى هناك وان بصور بس للاسف متعرفتش عليكى الا الان بصراحه حاجه غريبه ياترى المكان الفى خيالى صح ولا دا مكان تانى
سلام ومستنى زيارتك

ادم المصرى يقول...

بجد مكان جميل ومنظر اروع المكان والمنظر جمال جدا مش لزم نعرف هما فين ولكن المهم اننا نستمتع بجمال الخالق فى ابداعه بشيئ بصيط كهذا نخلتين وشجرتان وغروب يجعل منهم شيئ لا يقدر احد ان يوصفه غير ان ننظر اليه ونتأمل ونحلم ونفكر

aidy يقول...

لاسع افندى

*************

متشكرة جدا على رد حضرتك فعلا المكان ده موجود كتير فى مصر

بس مش بكل الاماكن

شكرا لزيارتك

aidy يقول...

مصعب صلاح

*********

اهلا بأخويا الصغير

مبسوطة ان الصورة المكان عجبوك

وتحياتى ليك

aidy يقول...

smilyrose

**********


حبيبة قلبى ورد ايه يا قمر

انتى بالذات هجيبلك علبة شيكولاتة

تعرفى انى بحب اغنية محمد عبده الاماكن


يلا بقى الحق اجيبلك الشيكولاتة

aidy يقول...

صدفة جميلة

*****

وعليكم السلام ورحمة الله وبركاته

منورنى حضرتك


بشكر حضرتك على الزيارة وان شاء الله أردها فى القريب

تحياتى

aidy يقول...

ادم المصرى

*******

اهلا ادم منورنى

فعلا الاهم من اسم المكان هو كمية الابداع اللى فيه على الرغم من بساطته


بشكرك على التحليل الرائع ده