وحشتونى.........


وحشتونى كلكم


امبارح اجتزت اول امتحان شفوى


الحمد لله على كل حال ولو انى اشحططت لغاية لما عرفت اسمى فين


بس ضحكت ضحك مع اصحابى


وكنت بلا فخر اخر واحدة تمتحن فى الدفعة عشان مكنوش لاقين اسمى ههههههههههههه


يعنى قضيت كام ساعة تمام منتظرة فيهم الفرج


بس ايه كنت بسلى نفسي بانى برسم وجوه الناس اللى بيمتحنوا هههههههههه


اصلى من كتر المراجعة راسى هنجت قلت امنجه نفسي شوية :D


نيجى بقي للمهم


كل الناس اللى ردوا عليا فى موضوعى اللى فات بجد بشكركم كلكم


وبالاسم كمان بشكر :


عاشقة الاحزان


حبيبة قلبى بجد شكرا على الادعية دى كلها وبجد هتوحشينى اوى بس بردوا مش هرحمك منى عشان هجيلك كل شوية اطمن عليكى ههههههه




بجد متشكرة ليكى اوى على الدعاء ليا وربنا ينجح اولادك وان شاء الله وقت فراغه كله هيكون معاكوا


الشاعر الحزين


متشكرة ليك يا شاعر وانا مش طمعانة غير فى جيد عشان اعرف اعمل دراسات عليا

دعواتك بقى ودعواتكم كلكم





مونى حبيبة قلبى اكيد ملحقتش اوحشك لأنى بجد بيبقى نفسي ازورك على طول

ومتقلقيش عليا انا معرفش ابويا فى المزاكرة هههههههههه

بس المشكلة فى ضيق الوقت

وان شاء الله هرفع راسكوا هههههههه


حاجات جوايا


سالى وحشتييييييينى

شكرا على الدعوتين الحلوين دول ربنا يستجيب منك


والقصة هنزلها متستعجليش عليها ههههههه


ادم المصرى


متشكرة يا ادم على الدعاء ويارب مكنش مقصرة لأنى لما بدخل لو دخلت مدونة او اتنين يبقى كويس وبقفل على طول


صوت من مصر


عامل ايه فى الامتحانات بقي..؟

ربنا يوفقك ويوفقنا جميعا

وهحاول ادخل اشوف جديد مدونتك


abo ali


عمرى ما نسيت حى على الفلاح وبحاول احافظ على مستوى دراستى ومذاكرتى

دعوات حضرتك


مصعب صلاح


ازيك يا مصعب ان شاء الله اجاوب على التاج بس بعد الامتحانات خلى بالك من الثانوية ا


امبارح كان عمرى عشرين


ربنا معانا كلنا يا محمود ومتشكرة على الدعاء


احساس لسة حى .. كلام من جوة روح لكل روح


متشكرة على الزيارة والتعليق وانا عارفة ان السنة دى مهمة وانا بحب مجالى مشكلتى كلها ضيق الوقت

بجد متشكرة وهحاول ارد الزيارة


abo 7anf


اهلا بحضرتك ربنا يسمع منك ويبقى بالنجاح وياريت محدش يزعل انى مقصرة فى الزيارة


فشكول


عم فشكول اهلا بيك وربنا يسمع منك ويبقى بالنجاح وانا بزاكر الحمد لله كويس ربنا يطرح البركة فى وقتى بقي عشان اقدر اخلص كل حاجة وانا هاجى اشوف اخر بوست فى قوم لوط


سحساوى


متشكرة على النصائح دى بس انا فاكرة نصيحة مهمة اوى اسعى يا عبد وانا اسعى معاك :D

وانا بعمل بيها


rania


متشكرة يا جميلة على الدعاء ويارب يوفقنا كلنا


شمس النهار


ان شاء الله كله يعدى واكون مزاكرة ومستعدية كمان واجر ألجأ هنا فى المدونة ههههههه

ان شاء الله اجى اشوف اخر اخبار البوستات عندك


hamada


ان شاء الله اشوف الجروب ده


geo amr


يارب يوفقنا جميعا متشكرة على الزيارة والتعليق


مذكرات مشاغب


انا مقدرة امتحانتكوا فى طب بتكون عاملة ازاى ربنا معاك ويوفقك يارب


tamer nabil


متشكرة لحضرتك على الدعاء وربنا يوفقنا جميعا


gogo!sf


شكرا يا جوجو على الزيارة وربنا يوسع فى وقتى عشان اخلص كل حاجة فى اللى ورايا


ابوصهيب


متشكرة لحضرتك على الزيارة وربنا يوفقنا جميعا ونخلص احنا كمان




تحياتى ليكم كلكم بجد على ردودكم ودعائكم ليا


وأخيرا بقي ايه رأيكم فى قالب المدونة هههههههههههه


حضرتى كنت زاكرت وخلصت وكنت زهقانة وقرفانة من كل حاجة دخلت المدونة معجبنيش شكلها

فى نص ساعة خلتها كده ههههههههههههههه


ربنا يكملنى بعقلى يارب


سلام بقي اروح اكمل مزاكرة : D


************************************

40 التعليقات:



ABOALI يقول...

اول تعليق كمان

هااااااااااااايل

ABOALI يقول...

كمان تعليق
يلا

ABOALI يقول...

والتالت كمان معزه

ABOALI يقول...

الرابع بقى
علشان نقرء ونتعلم

ABOALI يقول...

الخامس بقى حكمة

وان اشتد بك البرد يوما فاحرق كتبك فاءن الدفء غالى


هو ده الكلام

ABOALI يقول...

كفايه بقى تعليقات

ووفقك الله ان شاء بكل الخير


تحياتى

ABOALI يقول...

بصى انا طمعان فى السابع
علشان
انا بحب الارقام الفرديه

يعنى مافيش زعل

كيــــــــــــارا يقول...

ربنا معاكي وبالتوفيق

aidy يقول...

abo ali

************

أهلا بحضرتك

حضرتك تكتب عدد التعليقات اللى عايزها المدونة محجوزالك :D

بس الحكمة دى فى ايام الامتحانات ممكن تودينى ورا الشمس خليه الكتب ونحرق اى حاجة تانية ههههههههه

خصوصا انى من هواة جمع الكتب وعمل مكاتب يعنى معنديش اغلى منها

وربنا يوفقنا جميعا وطلعا مفيش زعل كتر الله من تعليقاتك :D

aidy يقول...

كيارا

**********

اهلا بيكى يا جميلة وشكرا اوى على الزيارة الغالية دى

وانتظرى رد الزيارة بس كمان يومين كده عشان هقوم ازاكر ههههههه

تحياتى

Abo 7anf يقول...

السلان عليكم
بتشكرى على ايه
المهم ربنا يوفقك فى بقيت امتحاناتك
وشدى حيلك

aidy يقول...

abo 7anf

***********

وعليكم السلام

ربنا يوفقنا جميعا ان شاء الله

ومتشكرة كمان مرة

فشكووول يقول...

ازيك يا نهاد
خليكى فى مذاكرتك انت وبلاش تزورى حد وبعد الامتحانات يفرجها ربنا ونشوفك وساعتها مش ح نسمع لك حجه فى عدم الزيارات
تحياتى

mohamed ghalia يقول...

ايه ده معقول أنا معلقتش على الموضوع الى فات (وش بيعيط)
ربنا يكرمك ويوفقك
أسيبك أنا كمان وأروح اكمل مذاكرة

ادم المصرى يقول...

ياااااااه الحمد لله يارب يما وتخلصينا من امتحناتك دى بقه وتفوقلنا دا انا هسقى كل المدونين شربات لما تخلصى

شمس النهار يقول...

ربنا معاكي
واول مره اعرف انك بترسمي

خاللي بالك من نفسك
وحلو النيو لوك بتاع المدونه

ادي اللي خدناه من الامتحانات وتهييس المذاكره:)

صوت من مصر يقول...

احلى حاجه انى همتحن بكره اول امتحان عملى
بلغك الله النجاح دوما
ادعيلى مع انى واثق من الماده جدـــــــــــــــا
شكرا

MǿиY El-Shreef يقول...

مبرووووووووووووك يا روح قلبي النيولك الجامد ده

البلوج جميله زي صاحبتها

وربنا معاكي يارب المهم ان عك امبارح ده خلص ع خير

ابقي ورينا الروسومات دي :D

هتوحشيني يا ايدي ياقمره

مووووواه

عاشقة الأحزان يقول...

السلام عليكم
حبيبتى نهاد أختى وروح قلبى الغاليه
بجد وحشتنينى مووووت
انا كنت اليومين اللى فاتو تعبانه قووى وبمر بظروف صعبه
والحمد لله رجعت تانى أهو رغم ما احمله من هموم جوايا يانهاد
المهم
ربنا معاكى ياحبيبتى وتنجحى تحققى ذاتك إن شاء الله
فى أعلى المراتب يارب بحق جه النبى اللهم أمين يارب العالمين
ومبروك على القالب الجديد ألف ميروك يافنانه
بجد أنتى جميله قووى
مزيد من التوفيق ياقمرايه
أختك إيناس
نوسه النوسه كونوسه
ههههههههه
أمووووووووووووووووووووووووه

aidy يقول...

فشكول

*********

عم فشكول منورنى دايما

متقلقش عليا انا مش بدخل الا فى البريك مابين المزاكرة

ومش بفتح الا نص ساعة بس

aidy يقول...

mohammed ghalia

*************

انا بجد اسفة انى مش بزورك بس المزاكرة اعذرنى بقى

وشد حيلك انت كمان فى المزاكرة مش مهم الزيارات اليومين دول

aidy يقول...

ادم المصرى

*************

يسمع منك ربنا

انا اول من هيشرب شرباتى ههههههههه

ربنا ينجحنا جميعا

متشكرة اوى

aidy يقول...

شمس النهار

**************

انا برسم من زمان بس على أدى وغاوية وشوش الناس هههههههههه

انتى هتقوليلى على تهيس الامتحانات

بس ده نتيجة زهق الامتحانات ههههههه

aidy يقول...

صوت من مصر

**************

الحال من بعضه انا عندى امتحان بكرة وان شاء الله ادعى لكل الممتحنين فى الفجر وانا بزاكر

aidy يقول...

mony el shieref
*******************

انت اجمل يا مونى

ومتقلقيش الرسومات هوريهالكوا هنروح من بعض فين هههههههههههههه

انتى كمان وحشتينى جدا

ادعيلى بقى الامتحانات تخلص على خير

aidy يقول...

عاشقة الاحزان

****************

ايناس مالك يا حبيبة قلبى فيكى ايه

قلقتينى عليكى

اهم حاجة خلى بالك من نفسك

وان شاء الله كل شئ هيبقى خير وكويس

انا الحمد لله الامتحانات ماشية

هروح اطمن عليكى فى المدونة وياريت اعرف اتكلم معاكى واعرف مالك

رؤية يقول...

حمدا لله على السلامة
وعقبال الامتحانات كلها وتخلصى
والقالب الجديد جميل جدا


تحياتى

aidy يقول...

رؤية

***********

ازيك وحشتينى


الله يسلمك انتى يا قمر

يلا اهو كلها حسبة تلت اسابيع وافضالكم خالص هههههههههه

نورتينى يا جميلة

يا مراكبي يقول...

بالتوفيق دايما ان شاء الله

انتي بتدرسي ايه؟ بجد البكالوريا زي ما قلتي في البوست اللي فات؟

:-D

aidy يقول...

يا مراكبى

**************

اهلا بحضرتك يا فندم

نورتنى

انا بدرس التاريخ فى كلية الاداب جامعة القاهرة والسنة دى انا فى الليسانس

يعنى يمشى بكالوريا بردوا :D

تحياتى لحضرتك ونورت المدونة

حاجات جوايا يقول...

مبروك يا قمر
وربنا يهون بالباقى ان شاء الله


لما ترجعى ان شاء ابقى تعالى خدى التاج اللى عندى

ربنا معاكى يا حبيبتى

مذكرات مشاغب يقول...

شكل جميل جدا
واهم حاجه انه يكون عاجبك
والتغيير في حد ذاته كويس

ربنا يوفقك في امتحاناتك

تحياتي

م/ الحسيني لزومي يقول...

61 عاما علي النكبة
ونحن أقرب للعودة
والعودة حق لا عودة عنه
شارك في الحملة الالكترونية لإحياء الذكري ال 61 للنكبة ( عائدون)
ضع شعار الحملة علي مدونتك

aidy يقول...

حاجات جوايا

**************

إزيك يا سالى وحشانى اووووووووووى

ان شاء الله ابقى اجى اخد التاج بس بعد الازمة الامتحاناتية دى

يلا سلام يا جميلة

aidy يقول...

مذكرات مشاغب

**************

ازيك يا احمد شد حيلك انت كمان عشان امتحانتكوا بتكون صعبة

ربنا معانا جميعا

والقالب الجديد انا عن نفسي عاجبنى حاسة فيه ببهجة :D

اهى حاجة تخرجنى من مود المزاكرة

تحياتى ..

aidy يقول...

م/ الحسينى لزومى

**************

أهلا بحضرتك فى المدونة...

وليد الاسلام _هويتى اسلامية ومدونون من اجل فلسطين يقول...

ربنا يوفقك فى امتحاناتك وتعودى افضل مما تركتينا عليه دمتى بود من الله

aidy يقول...

وليد الاسلام _هويتى اسلامية ومدونون من
********************

اهلا بحضرتك اولا

متشكرة جدا على الدعاء وعلى الزيارة الكريمة دى

وبتمنى تكرارها دايما

تحياتى

عاشقة الأحزان يقول...

السلام عليكم
حبيبتى بجد وحشتنى كتير
يارب تكونى بألف خير وتكونى ماشيه كويس فى الامتحانات
ربنا يكرمك ان شاء الله
بدعليك من كل قلبى
انوسه

aidy يقول...

عاشقة الاحزان

""""""""""""""""

أنوسة وحشتيننننننننننننى

الامتحانات لغاية دلوقتى الحمد لله

وان شاء الله هحاول انزلكم موضوع جديد

وأطمنكم عليا